Казан шәһәрендә авиаһәлакәттә һәлак булучылар арасында 26 яшьлек Алинә Хафизова да бар, аның тамырлары безнең районга барып тоташа.
Алинәнең әбисе (әнисенең әнисе) Зәкия апа Татар Булчие (Акбүре) авылында туып үсә, хәзергесе вакытта авылда аның апалары – Рәхимә апа Билалова һәм Разыя апа Ризвановалар яши. Алинә Яңа Чишмә гимназиясендә укыткан Саимә Вәлиуллинаның туганы. Хәзергесе вакытта Алинәнең әти-әнисе Казанда – судмедэкспертиза бюросында, анда һәлак булучыларның мәетләрен тану процессы бара. Бу көннәрдә чиркәүләрдә һәм мәчетләрдә һәлак булучыларның рухларына дога кылалар. Без авиаһәлакәттә һәлак булучыларның туганнарының, якыннарының, гаиләләренең тирән кайгысын уртаклашабыз.