.jpg)
Яңа Чишмәдәге Картлар йорты директоры Ольга Шилова һәм шәфкать туташы Елена Черняк (рәсемдә) тарафыннан тәмәке тартуны ташларга теләүчеләр өчен эшләнгән психологик ярдәм программасы республика “Алтын көз“ социаль программасы конкурсында өченче урынны яулаган.
-Төрле юнәлештәге реабилитация эшләре буенча төрле проектлар әзерләүдә (эшләүдә) без өченче ел рәттән 3 урынны алабыз инде, - дип сөйләде Ольга Шилова. -Быел чираттагы проект белән без тәмәке белән көрәш алып бару – дәүләт программасын хупларга ниятләдек. Чөнки күпләр тәмәке тартуны ташларга тели, әмма башлаган эшне ахырына кадәр җиткерә алмыйлар, алар даими психологик ярдәмгә мохтаҗ. Монда аларга тәмәкенең зыяны турындагы әңгәмәләр, лекцияләр, тренингларны үз эченә алган безнең программа ярдәм итәчәк. Агарту эшләре беренче җимешләрен бирде инде: бездә яшәүче берәү тартуын бөтенләй ташлады, калганнары сигарет һәм папирос куллануны киметтеләр. Безнең программа алга таба да уңышлы эшләр дип өметләнәбез...
Моннан тыш, өлкән яшьтәге гражданнарга һәм инвалидларга стационар социаль хезмәт күрсәтүче дәүләт учреҗдениеләре арасында реабилитация эшләрен яхшы оештырган өчен (“Сәламәт яшәү рәвеше – озак яшәүгә юл“ номинациясендә) без бүләк тә алдык.