19-21 сентябрьдә “Сәламәтлек“ авыл спартакиадасы кысаларында Минзәлә шәһәрендә бадминтон буенча ярышлар булып үтте һәм анда безнең район спортчылары уңышлы чыгыш ясадылар.
Турнирда 23 районнан килгән командалар катнашты. Һәр командада 16 яшьтән узган 6 шар кеше (3 егет һәм 3 кыз) иде. Уеннар ялгыз, парлы һәм катнаш категориядә үтте. Нәтиҗәләргә карап команда исәбе ясалды. Сергей Финагентов, Артур Холин, Раил Гибадуллин, Ирина Логинова, Алия Галиева һәм Алена Алешинаны берләштергән безнең команда әйбәт чыгыш ясап, 9 нчы урынга чыкты.