Соңгы араларда яңачишмәлеләрнең тынычлыгын алып, йортларында асралган мал-туарга, кош-кортка һөҗүм иткән ерткыч җанварларны һәм сукбай этләрне аулау һәм юк итү буенча районда аучылардан 4 төркем оештырылды.
11-12 апрель көннәрендә аучылар Студенец елгасы үзәнен, район үзәге тирәсен карап чыктылар һәм тугыз хуҗасыз этне, бер төлкене юк иттеләр. Зөфәр Нурхамәтов йортында чәшке атып алынды, ул шушы йортта дистәләгән тавыкның башына җиткән.
Аучыларның рейды дәвам итәчәк.